Brukseli solidarizohet me Vuçiçin

Përfaqësuesja e lartë për politikë dhe siguri, Frederika Mogherini, i ka shprehur sot solidaritetin kryeministrit serb Aleksander Vuçiç, për sulmin ndaj tij në Potoçare. Bashkë me të edhe një numër i madh i zyrtarëve të lartë të BE-së e kanë dënuar sulmin.

“Shpreh solidaritetin me Vuçiçin, i cili sot shkoi në Srebrenicë. Paqja arrihet vetëm me pajtim”, ka shkruar Mogherini në Twitter.

Edhe zyrtarët tjerë në Bruksel kanë shprehur keqardhje për sulmin ndaj kryeministrit serb.

Tornbjorn Jagland, sekretar gjeneral i Këshillit të Europës, Johanes Hahn, komisar për politikën e fqinjësisë dhe negociata, Tanja Fajon, deputete e Parlamentit Evropian si dhe zyrtarë të tjerë kanë thënë se në Potoçare do të ishte më mirë të përdoreshin fjalët se sa gurët./Illyria