Bulqizë, zjarri po i afrohet banesave, banorët e Bllacës kërkojnë ndihmë

Banorë të fshatit Bllacë në Bulqizë kanë kërkuar ndihmë pasi flakët e zjarrit që kanë përfshirë zonën po i  afrohen banesave.

Siç duket edhe nga fotot e mbërritura në redaksinë e Ora News zjarri dhe tymi janë pranë banesave. Banorët e zonës thonë se kanë kërkuar ndihmë nga shteti, por deri tani askush nuk i është përgjigjur.

Prej gati dy muajsh vendi është përfshirë nga zjarret, të cilat kanë shkaktuar dëme të konsiderueshme në toka bujqësore, kullota, pyje dhe shkurre.