Burgoset shqiptarja e trafikut të kokainës

Marsela Kreka, e njohur edhe si Maria Danciu (identitet rumun), 28-vjeç, u kap me 1 kg kokainë në makinën e saj dhe dëshmitë treguan se ajo kishte ishte e përfshirë në trafikun e drogës ndërmjet 27 majit 2016 dhe 2 qershorit 2016.

Më 3 korrik 2017, ajo u gjet fajtore për një akuzë për furnizimin me kokainë dhe një akuzë për posedim mjetesh identifikimi të rreme dhe u dënua me 7 vite burgim në Old Bailey.

Dënimi u shfuqizua më 28 mars të këtij viti pasi Gjykata e Apelit vendosi se gjykata më e ulët kishte bërë gabim në drejtimin e jurisë pasi Kreka pretendonte se ajo kishte qenë viktimë e trafikimit të qenieve njerëzore.

SHSHP-ja kërkoi rigjykim pas ankesës sepse nuk u gjet asnjë dëshmi për të mbështetur pretendimet e saj. Ajo sot është deklaruar fajtore për të dy veprat penale dhe është burgosur nga Wood Green Crown Court.

Adrian Flasher nga CPS tha: “Marsela Kreka ishte pjesë e një grupi të krimit të organizuar të përfshirë në furnizimin e sasive të mëdha të kokainës. Përkundër pohimit të saj se kishte qenë viktimë e trafikimit të qenieve njerëzore, SHPK ishte në gjendje të demonstronte se ajo nuk ishte detyruar të kryente veprat penale”.