“Buxheti që vjedh njerëzit”, Tabaku: 1.9 miliardë dollarë për shpenzime luksi

PD dhe LSI, po zhvillojnë një bashkëbisedim për ”Buxhetin 2019” me përfaqësues të biznesit, ekspertë, gazetarë dhe grupet e interesit.

Deputetja e PD, Jorida Tabaku ka folur në takimin për buxhetin 2019 që po zhvillohet paralelisht me Kuvendin e Shqipërisë, duke treguar disa fakte, që sipas saj, vërtetojnë se për sektorët prioritarë nuk janë parashikuar para në buxhet.

Gjithashtu, Tabaku shprehet se 1.9 miliardë dollarë e më shumë shkojnë për fasada dhe shpenzime luksi, informalitet dhe kosto korruptive të projekteve koncesionare.