Çelet Akademia verore Politike e të rinjve të LSI-së

Akademia Verore për Politikë organizuar nga Lëvizja Socilaiste për Integrim , njohur ndryshe si  “LSI SUMMER CAMP”, një aktivitet që ka nisur  më 23 shtator  2004 kur u krijua Lëvizja Rinore për Integrim(LRI), u  çel mbrëmë në Kampin Social të Jalës në jug të vendit.

Tër rinjtë e kësaj force politike, anëtare e simpatizantë nga e gjithë Shqipëria  kanë hapur kampingun e vitit 2015 në Jalë  duke ngritur  flamurin kombëtar, flamurin e Lëvizjes Socialiste për Integrim, duke kënduar himnin kombëtar, në shoqërinë e mikut të tyre,  kryetarit të kësaj force politike njëherazi kreu i Kuvendit të Shqipërisë z.Ilir Meta.

Në praninë e deputetit Petrit Vasili, deputetes Monika Kryemadhi dhe Kejdi Mehmetaj, , Zv.Ministres së Integrimit Erisa Xhixho, kryetarit të Lëvizjes Rinore për integrim,  Endrit Brahimllari,  të rinjtë,  pjesë e kësaj force politike në 5 ditë qëndrimi në Jalë, përveç argëtimit, do të trajnohen dhe hartojnë strategji politike të rinisë.

Aktivitetet politike, kulturore dhe argëtuese do të jenë  janë kryefjala e ditëve të qëndrimit në bregdetin e bukur të Jonit.