Censi, Berisha: Janë manipuluar shifrat e popullsisë, të vërtetën do e mësojmë nga hakerat…

Sali Berisha nga ballkoni i banesës ku ndodhet në arrest shtëpie prej 30 dhjetorit të 2023, akuzoi qeverinë ”Rama 3” se ka manipuluar shifrat e regjistrimit të popullsisë. Berisha u shpreh se pas publikimit të shifrave, një publicist i njohur shqiptar shtroi pyetjen: “mirë, po unë kur do mësoj të vërtetën se sa shqiptarë ka në Shqipëri? Të presim nga hakerat iranianë, thotë, se mos e nxjerrin atë të dhënë”.

Pjesë nga fjala

Ashtu siç kishim paralajmëruar në mënyrën më të përsëritur manipulimin e tmerrshëm që Edi Rama dhe zyrtarë të papërgjegjshëm të tij po u bënin shifrave të regjistrimit të përgjithshëm të popullatës, ajo u faktua sot në mënyrën më të shëmtuar dhe më të plotë.

Pas publikimit të shifrave, një publicist i njohur shqiptar shtroi pyetjen: mirë, po unë kur do mësoj të vërtetën se sa shqiptarë ka në Shqipëri? Të presim nga hakerat iranianë, thotë, se mos e nxjerrin atë të dhënë.

Gjerë këtu ka arritur puna me këtë njeri që nuk ka asnjë kod moral ndaj vendit dhe kombit të tij.