Champions League. Fitojnë Barcelona dhe Bajerni

Ka startur mbrëmjen e sotme kompeticioni i “Uefa Champions League”.  Barcelona ka fituar me rezultatin tenistik 7-0 kundër Celtik duke marrë tre pikët e para në grupin C. Për katalanasit shënuan Mesi tre gola, Suarez dy gola, Nejmar dhe Iniesta.

Fitore mori dhe Bajerni i Mynihut duke mundur në shtëpi Rostov me rezultatin 5-0. Levandovski, Myler, Bernat dhe Khimich me dopietë i dhanë fitoren kampionëve të gjermanisë.

Ndërkohë sfida mes PSG-së dhe Arsenalit përfundoi me rezultatin e barabartë 1-1. Në këtë sfidë lojtari me orgjinë shqiptare Shkodran Mustafi lujati si titullar, ndërsa Granit Xhaka u aktivizua në minutën e 71-të.

Fitore të rëndësishme mori dhe skuadra e mbrojtësit kuqezi Elseid Hysaj, Napoli. Napolitanët mposhtën në transfertë ekipin e Dinamon e Kievit me rezultatin 2-1. Në këtë sfidë Hysaj luajti për 90-minuta duke bërë një ndeshje fantastike.
Ndërsa Bazeli i Taulant Xhakës barazoi në fushën e saj kundër Ludogoretsit. Mesfushori i kombëtates sonë luajti përgjatë gjithë 90-minutave në këtë sfidë.

Rezultatet e ndeshjeve të sotme.

Barcelona-Celtik 7-0

Bajern Mynih-Rostov 5-0

Dinamo Kyev-Napoli 1-2

PSG-Arsenal 1-1

Basel-Ludogoreds 1-1

Benfika-Beshiktash 1-1

PSV-Atletiko Madrid 1-1.

TEMA