Çipa: Stop bizneseve pa çerfitikatë të mbrojtjes nga zjarri

Fatkeqësitë i kushtojnë miliarda lekë ekonomisë shqiptare dhe kapacitetet aktuale të sistemit të mbrojtjes civile shqiptare janë të pamjaftueshme për të menaxhuar numrin në rritje të emergjencave dhe rehabilitimin e shpejtë të tyre.

Deklarata është bërë nga zëvendësministri i Brendshëm Stefan Çipa ,i cili kërkoi nga pushteti vendor që të mos certifikojne bisnese turistike pa pasur çerfitifikatën e mbrojtjes nga zjarri

Stefan Çipa: Eshtë domosdoshmëri ndryshimi i filozofisë së pushtetit vendor dhe strukturave të Mbrojtjes nga Zjarri dhe Shpëtimin (MZSH) që, për investimet nga ana e bizneseve, të mos certifikojnë objekte turistike që janë ndërtuar në territorin e njësive të vetëqeverisjes vendore, pa pasur të certifikuar sistemin e mbrojtjes nga zjarri.

Një apel për pushtetin vendur u bë edhe nga Drejtori i Pergjithshem i emergjencave civile Shemsi Prenci, i cili tha se situata e këtij viti nxori në pah shume difekte të bashkive që duhen marrë në konsideratë nga strukturat vendore për rikonceprimin e shërbimit zjarrfikës

Shemsi Prençi: Gjeografia e zjarreve masive gjatë kësaj periudhe ka përfshirë kryesisht zona turistike, objekte kulti, objekte të rëndësisë shtetërore, banesa, fshatra e biznese, pothuajse në të gjithë Shqipërinë”

E për ti ardhur në ndihme shërbimit zjarrfikës në të gjithe vendin gazesjellesi Trans Adriatik Tap u dorëzoi autoriteteve shqiptare 600 fikëse zjarri shpine dhe 100 uniforma zjarrduruese për të luftuar zjarret, deri tani në të gjithe vendin janë shënuar 920 vatra zjarri që i kanë shkaktuar shtetit një dëm miliona euro