COVID-19, mungon ndërgjegjësimi/ Frekuentohen kafenetë, autobusët dhe vijon lëvizja normale!

Masat e marra nga qeveria kundër Coronavirusit  dhe rekomandimet ndaj qytetarëve për të shmangur kafenetë, grumbullimet, respektimin e distancave 1 metër ndërmjet tavolinave në lokale, kanë rënë në vesh të shurdhët.

Dita e mërkurë, ku rezultojnë zyrtarisht 12 raste të konfirmuar me COVID-16, në kryeqytet duket si një ditë e zakonshme. Kafenetë vijojnë të jenë të mbushura dhe tavolinat thuajse të ngjitura me njëra-tjetrën.

EfekteMosha e tretë vijon të ndjekë ritualin e dominosë nëpër sheshe dhe të mos marrë masa për të qëndruar brenda në shtëpi.

Autobusët vijojnë të frekuentohen normalisht dhe të vetmit të ndërgjegjësuar që kanë marrë masa duke u pajisur me doreza e maska janë shoferët dhe faturinot.

Një ditë më parë qeveria vendosi të mbyllë lokalet e mbrëmjes, pubet, palestrat, bilardot, ndërsa u kërkoi bareve normale dhe restoranteve që të zbatojnë distancat minimalisht 1 metër nga njëra tavolinë në tjetrën./scan