Covid-19 në Ballkan, janë 7 vende që kanë numrin më të lartë të rasteve

Covid-19 vijon të shfaqet agresiv në shumë vende të botës. 7 vendet e Ballkanit kanë numrin më të lartë të rasteve me Covid-19 për 100 mijë banorë në 14 ditët e fundit në Europë.

Konfirmimi vjen nga Qendra Europiane për Parandalimin dhe Kontrollimin e Sëmundjeve në një raport të publikuar nga media “Balkan Insight”.

Mali i Zi është shteti me nivelin më të lartë të përhapjes dhe regjistron 179 raste për 100 mijë banorë. Kosova renditet në vendin e pestë pas Bosnjes, Francës dhe Luksemburgut.

Shqipëria është në fund të listës, pas Maqedonisë së Veriut dhe raporton 64 raste me Covid-19 për 100 mijë banorë në dy javët e fundit. Mesatarja aktuale e përhapjes së Covid-19 në Europë është 42 të infektuar për 100 mijë banorë. Të vetmet shtete të Ballkanit poshtë këtij niveli janë Serbia dhe Bullgaria.