Dalin në protestë, gjimnazistët në Berat: Na mbyllën brenda shkollës

Protesta Kombëtare e studentëve, është shtrirë në të gjithë Shqipërinë. Në Berat, gjimnazistët e ”BabëDudë Karbunarës”, gjimnazit më të madh në qytet, kanë dalë në protestë për të mbështetur studentët.

Rreth orës 11:00 gjimnazistët u mblodhën në qendër të qytetit, ndërkohë që nuk vonoi dhe mbështetja e qytetarëve. Gjimnazistët me pankarta nëpër duar u shprehën në solidaritet me studentët që po protestojnë në Tiranë që prej disa ditësh, ndërkohë që janë shprehur se u penguan që të mblidheshin më të shumtë në numër.

“Nuk na lejuan që të dilnim nga shkolla, sepse orët u bënë të shkurt dhe na mbyllën dyertë”, u shprehën gjimnazistët”. Mbështetje për gjimnazistët dhanë dhe qytetarë të Beratit, të cilët u bashkuan në këtë protestë.