Dalin pamjet, ja si u dërgua mësuesi gylenist nga Rinasi drejt Turqisë (VIDEO)

Mediat turke kanë bërë publike video të deportimit nga Shqipëria të mësuesit turk Harun Çelik, largim që ngjalli debat ndërkombëtar, pasi Çelik konsiderohej si kundërshtar i presidentit turk Rexhep Taip Erdogan dhe mbështetës i Lëvizjes Gyleniste.

Në videon e xhiruar nga miq të Çelik në Tiranë, duket furgoni i blinduar i policisë teksa dërgon në aeroportin e Rinasit 42-vjeçarin.

Sipas policisë shqiptare, ndaj tij janë kryer procedurat për ta larguar nga Shqipëria, sapo ai kishte përfunduar një dënim, që mori në Tiranë.

Harun Çelik, punonte në Shqipëri si mësues ndërsa u kap 5 muaj me pare në aeroportin e Rinasit me dokumente false duke udhëtuar drejt Kanadasë.