Dalin përgjigjet e Llotarisë Amerikane, bie serveri

Qindra e mijëra shqiptarë kanë aplikuar për llotarinë amerikane.

Ambasada Amerikane njoftoi se se ata që kanë aplikuar do të njihen me përgjigjen e saj.

Aq i madh ka qënë numri i personave që kanë kontrolluar për përgjigjen on-line, saqë ka rënë serveri në faqen zyrtare.

Sipas ambasadës së Shteteve të Bashkuara të Amerikës në Tiranë, Kontrolli i Statusit të të Regjistruarve do të informojë pjesëmarrësit e përzgjedhur, për mënyrën se si do të aplikojnë për veten e tyre si dhe për anëtarët e tyre të familjes.

Gjatë 5 viteve të fundit numri i aplikantëve shqiptarë për llotarinë amerikane ka kaluar cdo rekord të imagjinueshëm.

Kriza e rëndë ekonomike dhe politike që ka shoqëruar qeverisjen e Kryeministrit socialist Edi Rama ka qënë faktori kryesor që shqiptarët nuk po arrijnë të shohin të ardhmen për veten dhe fëmijët e tyre në Shqipëri por vetëm te largimi nga vendi.