Datat 15 dhe 16 Maj shpallen ditë pushimi për disa institucione në Tiranë, Kamzë, Vorë dhe Krujë

Këshilli i Ministrave ka miratuar një vendim që shpall datat 15 dhe 16 maj 2025 si ditë pushimi zyrtar për punonjësit e administratës shtetërore që ushtrojnë veprimtarinë e tyre në territorin e bashkive Tiranë, Kamzë, Vorë dhe Krujë.

Vendimi nuk përfshin strukturat e Forcave të Armatosura, Policisë së Shtetit, Gardës së Republikës, shërbimit zjarrfikës si dhe punonjësit e sistemit shëndetësor, të cilët do të vazhdojnë detyrën në këto data.

Sipas vendimit, dita e punës për këto dy data do të zëvendësohet brenda vitit 2025 në ditë pushimi të zakonshme, pa cenuar orarin vjetor të punës.

Ky vendim vjen me propozimin e Kryeministrit dhe është nënshkruar në mungesë nga Zëvendëskryeministrja Belinda Balluku. Ai hyn në fuqi pas botimit në Fletoren Zyrtare.