Debat për logot e partive/PD kërkon ndryshim të logos së Bindjes Demokratike

Këtë të enjte ka pasur disa përplasje gjatë mbleshjes së Komisionit Qëndror të Zgjedhjeve. në lidhje me logot e partive. Ishte sekretari i PD-së, Ilvi Kaso ai i cili ngriti çështjen në KQZ duke thënë se logoja e partisë së Astrit Patozit është e njëjtë me atë të PD-së.

Përfaqësuesi i Bindjes Demokratike, Fabian Topollaj tha se ndryshimi është bërë dhe BD do të dërgojë logon e re, nën inicialet e së cilës do të mbishkruhet edhe emri i partisë.

“E konsideroj të mbyllur pjesën e stilizimit të logos. Ne me kënaqësi e kemi ndryshuar logon, në kohë rekord, dhe me qëllim që fleta e votimit të miratohet, të bëhet sa më shpejt dhe të vazhdojë procesi”, tha Topollaj.