Debati/ Murati: Një pjesë e opozitës nuk po kërkon më zgjedhje të parakohshme. Kundërshton Alibeaj

Gazetari, Erl Murati, i ftuar në “Tempora” në Rtv Ora thotë se opozita është e paqartë në strategjinë dhe aksionin e saj politik.

Sipas tij, ka nga ata që japin përshtypjen se janë tërhequr edhe nga zgjedhjet e parakohshme.

Murati: Strategjia e opozitës çalon, kemi një drejtues opozite që thotë unë preferoj sistemin mazhoritar dhe bashkëdrejtuesja tjetër e opozitës thotë se është shumë vonë për të kryer ndryshimin e sistemit zgjedhor. Në një momnent kemi parë drejtues të opozitës që kërkojnë zgjedhje të parakohshme, në një moment tjetër disa prej tyre lënë të kuptohen se nuk janë për zgjedhje të parakohshme.

 Alibeaj: Që ka ndonjë nga drejtuesit e opozitës që nuk do zgjedhje të parakohshme, keq më vjen, por nuk e ka thënë njeri.

Muarati: Dashamir Shehi nuk e ka pasur flamur kryesor të betejës së tij.

Alibeaj: Një opozitë me të drejtë apo pa të drejtë ditën e  dytë kërkon zgjedhje të parakohshme dhe këtë e ka bërë.