Berisha: Basha ankohej te Yuri Kim për mua
Në një intervistë për ”Ora News”, Sali Berisha tha se ka pasur informacione se Lulzim Basha i thoshte ambasadores Yuri Kim se çdo gjë në PD e kontrollon Sali Berisha. Ai tha se ka pasur burime se Lulzim Basha ka bërë denoncimin për çështjen e ”non grata-s”, dhe se vendimi për përjashtimin e tij u mor pa asnjë fakt dhe dokument.
“Mua më është thënë se Basha i thotë ambasadores se gjithçka ma dikton Sali Berisha dhe unë jam në kontroll të plotë nga njerëzit e tij. Se kush ishin njerëzit e mi, hapni ju sytë aty. Ndërkohë që ai ka i ka zgjedhur vetë.
Përpos kësaj më kanë thënë se Basha ka bërë denoncim ndaj meje. Vendimi u mor pa asnjë fakt dhe dokument. Administrata e SHBA-ve vetë e ka vlerësuar qeverinë time kundër korrupsionit. Keni fjalën e Hillary Clinton në 2012, ku ajo thoshte se kushdo që të shohë demokracinë në veprim të vijë dhe ta shohë në Shqipëri”.
