Deklarata e Vulin, Meta: Nuk ka kryeministër më të mirë se sa Edi Rama për Beogradin

Gjatë një konference për shtyp, presidenti i Partisë së Lirisë, Ilir Meta ka deklaruar se kryeministri Edi Rama bën akte që kërkon të shmangë vëmendjen nga korrupsioni skizofrenik.

Meta gjithashtu ka komentuar edhe deklaratën e zv.kryeministrit serb Vulin, për të cilën tha se reagimi i tij është i turpshëm.

Më tej presidenti i PL-së theksoi se nuk ka kryeministër më të mirë se sa Edi Rama për Beogradin.

“Sot do të fillojmë këtë konferencë shtypi me një qëndrim që ka të bëjë me politikën e jashtme. Në mënyrë të përsëritur, kryeministri bën akte që kërkon të shmangë vëmendjen nga korrupsioni skizofrenik, duke krijuar fakte që nuk ekzistojnë apo çështje që nuk ekzistojnë. I shërbejnë shefave të Ramës për ta përdorur atë dhe sjelljet e tij për të dëmtuar Kosovën dhe për të minuar vlerat europiane. Kjo shkon në interes të Rusisë. Deklaratat e fundit të Vulin, zv.kryeministër, që thekson se takimi i Ramës i shërben nacionalizmit për Shqipërinë e Madhe. Rama synon që të bëje liderin e Ballkanit, por që është tmerruar dhe nuk tregon të dhënat e CENSIT. Reagimi i Vulin se bota serbe mund të ndalojë Shqipërinë e madhe është e turpshme. Nuk ka pasur dhe nuk ka kryeministër më të mirë se sa Edi Rama për Beogradin, aq sa është quajtur më i miri pas Pashiqit.”, tha ai.