Deklaratat kundër SPAK-ut, Kryeministri Rama reagon sërish

Kryeministri Edi Rama i pëgjigjet Prokurorisë së Posaçme Antikorrupsion sapo ajo tha për mediat se nuk ka asnjë hetim kundër Ardian Dvoranit.

“Unë nuk i heq asnjë presje asaj që deklarova sot dhe nuk mjafton që SPAK-u të thotë se e paska pushuar çështjen, pasi faktikisht e mori peng gjykatësin në fjalë pa asnjë arsye në botë, duke i shkuar praktikisht pas avazit Armikut NR.1 të Reformës në Drejtësi, Ilir Metës.

Meqë ka marrë përsipër të sqarohet, SPAK-u do të duhej të sqaronte pse reagoi rrufeshëm për një kallëzim absurd për një vepër penale imagjinare të njeriut të shpallur nga DASH kampion i antikorrupsionit, ndërkohë që për kampionët e korrupsionit në drejtësi s’ka lëvizur ende gishtin“, shkruan Rama.

Me sa duket do kemi ngjarje të mëdha këtë vit me arrestime nga politika.