Demalia: Rama po zhytet në kazanin që po vlon nga revolta studentore

Ilir Demalia në një lidhje me skype për Ora News, e konsideroi një lëvizje shumë të madhe politike të protestës së studentëve, duke theksuar se fajtor për këtë është e gjithë klasa politike 28 vjeçare.

Demalia: Kjo është një lëvizje politike shumë e madhe, por shqiptarët janë tmerruar nga politika që i ka drobitur dhe i ka humbur shpresat në 28 vite. 

Kjo lëvizje duhet të mbështetet nga të gjithë qytetarët që duan të jetojnë në vendin e tyre. Nuk them që Shqipëria do të bëhet parajsa e botës por do të nisë një themel të ri me largimin e kësaj elite politike që po mbahet me thonj për arsye të inkriminimit. 

Sot dëgjova që do të japë dorëheqjen Lindita Nikolla. As nuk më intereson fare. Lindita Nikolla dhe i gjithë kabineti qeveritar i Edi Ramës është një hebe e kalit. Kali i pushtetit të Edi Ramës i ka ikur. 

Nuk është Rama kryesori. Është e gjithë politika. Është trashur zullumi dhe u këput në kohën e Ramës. Rama pati kohë 5 vite për ta ndryshuar rrjedhën por u zhyt më thellë në kazanin ku donte të fuste mediat, por tani është brenda kazanit ku po vlon fal revoltës popullore. Kjo revoltë nuk është rastësi.