Demokrati ngatërrohet, prezanton Lulzim Bashës si kandidat të Berishës në Vorë

Ish-kryeministri Sali Berisha mbajti një takim me demoratët e Vorës, aty ku prezantoi kandidatin e koalicionit ”Shtëpisë së Lirisë” për zgjedhjet e 6 marsit. Folësi i parë në këtë takim ka ngatërruar emrin e kandidatit që Lulzim Vrana duke e quajtur Lulzim Basha.

Në një moment të fjalimit të tij ai tha se emrin e Lulzim Bashës si kandidat, por e kuptoi menjëherë lapsusin për shkak të afërsisë së emrit.

”Për mua është një emocion i madh. Sot për ne është një ditë historike. Ne na ka kllaposur një situatë e vështirë, prandaj këtu duhet të fillojë ndryshimi. Me nismën e opozitës së bashkuar ne do të fitojmë patjetër bashkitë dhe qytetarëve tanë do t’u kthejmë dinjitetin. Ju përgëzoj dhe të gjithë në 6 mars. Të nxjerrim kandidatin tonë, Lulzim Basha… zotin Lulzim Sefer Vrana, kryetarin e bashkisë Vorë”.

Situata kaloi me të qeshura nga të pranishëmit.