Deputeti-Ramës: E mbajta maskën që në fillim por u preka

Sot ka hyrë në fuqi vendimi që maskat do të mbahen kudo por nga salla e Kuvendin në seancën e kësaj të enjte, deputeti Ralf Gjoni ka akuzuar kryeministrin Edi Rama se nuk ka asnjë plan për menaxhimin e pandemisë. Më tej, ai solli rastin e tij duke u shprehur se paçka mbajtjes së maskës gjatë gjithë kohës sërish u infektua me Covid-19.

”Ajo që më shqetëson është që kryeministri Edi Rama nuk ka asnjë plan për të menaxhuar krizën e Covid-19, krizën shëndetësore për t’i bërë ballë krizën sociale që po vjen në 2021. Nuk jam dakord me Hysenin që thotë se maska duhej mbajtur. Rama merr vendime pa konsultuar me asnjë ekip mjekësor. Ky është i paparë ndërron mendje me hënë. Duhet të kuptoni se çfarë situate do të përballeni. Rama e di shumë mirë aftësinë e tij të piktorit”, tha ndër të tjera Gjoni.