Deputeti Sula u tregon ministreve dy shishe me vaj: Zhvlerësimi i vajit të ullirit. Boll folët për samitin

Në seancën e kësaj të hëne në Kuvend, deputeti i PD-së Dashnor Sula kishte me vete dy shishe, një me vaj ulliri dhe tjera me vaj kikuriku. Sula kritikoi njësimin e vajit të ullirit me vajin e kikirikut, duke u zhvlerësuar kështu puna e fermerëve në disa zona të vendit. Deputeti Sula shprehet se ministrja e Bujqësisë dhe e Financave duhet të merren me këtë dhe jo me samitin e BE-së.

”Të jeni të sigurt që fshatarët, po heqin të zinjtë e ullirit duke prodhuar vaj ulliri, çmimi do shkojë pas 2 muajsh çmimin e naftës që ka vendosur bordi juaj.

Vaji i kikirikut është baraz me atë të ullirit. Po ju them që vetëm mbrëmë që isha në një fabrikë shikoni radhën e njerëzve, brenda një fabrikë vaji. Por a e dini që sot, duhet 20 mijë lekë për një punëtor të shkundë ullirin.

Imagjinoni që shitet vetëm me 350 lekë të vjetra. A e dini çfarë mundi është? Zonja ministre, si do i bëhet halli? A duhen shqiptarët të punojnë në këto lloj gjendje? Zbrisni nga makinat boll folët për BE-në që do vijë këtu. Meqë është kryeministri nesër atje për këtë gjë të lobojë”.