Dështon tentativa për grabitjen e bankës, policia kishte nën survejim 2 grabitësit e armatosur

Ngjarja ndodhi në orët e mesditës. Hajdutët e armatosur me pistoletë dhe të maskuar, kanë tentuar të marrin nën kërcënimin e armëve një sasi parash.

Por plani i tyre ka dështuar, pasi ishin nën survejimin e policisë së Vlorës.

Dy personat e armatosur dhe të maskuar hynë në filialin e bankës duke kërcënuar punonjësit e bankës për t’ju dhënë paratë, por në këto momente ndërhynë agjentët policisë.

Policia zbuloi pak minuta më vonë edhe mjetin e grabitësve, të parkuar pranë universitetit të qytetit, me të cilin ishte parashikuar arratisja pas grabitjes.

Burime nga policia e Vlorës, thonë se 2 grabitësit janë të dyshuar për disa ngjarje kriminale, të cilat mund të zbardhen pas një hetimi të thellë.