Detaje nga aksidenti në Shkodër, dy murgesha nga Kosova humbën jetën

Një aksident i rëndë ka tronditur sot Shkodrën. Mësohet se humbën jetën dy gra ndërsa një tjetër është plagosur.

Janë zbardhur të tjera detaje nga ngjarja e rëndë e ndodhur ditën e sotme në aksin rrugor Shkodër-Lezhë, ku në vendin e quajtur KryeBushat u aksidentuan dy makina, ku humbën jetën 2 gra dhe mbetën të plagosur 5 persona të tjerë.

Sipas informacioneve më të fundit është bërë i mundur edhe zbulimi i identtitetit të plotë të grave që humbën jetën,shkruan albeu.com.

Ato janë dy murgesha nga Kosova, përkatësisht Diana Mjeshtri 45 vjeç dhe Luljeta Zefi 39 vjeç.

Ndërkohë që e plagosur rëndë ka mbetur një tjetër murgeshë e identifikuar si Beta Mata, 32 vjeçe.