Këtë të dielë Korça i është shtuar hartës së të prekurve me Covid-19. 3 persona janë konfirmuar pozitivë ditën e sotme sipas të dhënave zyrtare nga Ministria e Shëndetësisë. Bëhet fjalë për një çift, burrë e grua si dhe një 33-vjeçar. Ata kanë patur temperaturë të lartë dhe janë drejtuar fillimisht në spitalin e Korcës, pas kryerjes së analizës dhe marrjes së rezultatit janë nisur mbrëmjen e së shtunës drejt infektivit në Tiranë. Burime për “Abcnews.al”, kanë njoftuar se para dy javësh cifti është takuar me mbesën që është kthyer nga Italia. Pas qëndrimit disa ditë në Korçë, mbesa e çiftit është kthyer përsëri në Itali. Çifti i të infektuarve, ka shfaqur shenjat e Covid-19 pas largimit të mbesës. Sipas të dhënave të deritanishme dyshohet se çifti është infektuar nga mbesa e tyre e cila ndodhet në Itali.