Detaje tronditëse nga masakrimi i çiftit shqiptar në Itali. Gjykata e lë në burg, Elona Kalesha pjesë e një grupi kriminal

Prokuroria italiane e ka cilësuar shqiptaren, Elona Kalesha një person me rrezikshmëri të lartë për shoqërinë, duke e lënë në burg pas disa provash të reja.

Sipas medias italiane, për gjykatësin Angelo Antonio Pezzuti, autorja e masakrimit të Tetuta e Shpëtim Pasho nuk duhet liruar sepse është pjesë e një grupi kriminal.

Elona Kaleshi u arrestua më 22 dhjetor me urdhër të prokurores Ornella Galeotti me akuzat e vrasjes, fshehjes dhe masakrimit të kufomave.

Për gjykatësit hetues të Firences, Angelo Antonio Pezzuti, shqiptarja 36-vjeçare vrau dhe masakroi 54-vjeçarin Shpëtim dhe 52-vjeçaren Teuta Pasho , prindërit e ish-të dashurit të saj që u zhdukën në vitin 2015, eshtrat e të cilëve ndodheshin në katër valixhet e gjetura midis 10 dhe 15 dhjetorit në një fushën ngjitur me burgun Sollicciano, në periferi të Firences, në të cilën djali i tyre kishte vuajtur dënimin.

“Ajo i joshi ata në një kurth, mund të vrasë përsëri. Elona i ka tërhequr bashkëshortët në një kurth, të cilët erdhën në Itali për të parë djalin e tyre Taulantin, në atë kohë shoqëruesin e gruas”, tha gjykatësi.

Gjykata italiane vendosi ta lejë në burg autoren pas marrjes në pyetje, ndërsa ajo përfitoi nga e drejta për të mos u përgjigjur.

“Ajo ka shtatë dënime për rezistencë ndaj një zyrtari publik, dëmtim personal, mashtrim, vjedhje. Aijo duhet të mbetet në burg jo vetëm për shkak të rrezikut të arratisjes, por edhe për shkak të rrezikut konkret dhe aktual të përsëritjes së krimeve”, tha ai.

Sipas gjykatësit hetues, gruaja do të futej përgjithmonë në një qark kriminal dhe do të kishte marrëdhënie me njerëz me një kalibër të dukshëm kriminal.

Taulanti, i burgosur në Sollicciano për krime droge, do të lirohej nga burgu më 2 nëntor 2015. Prindërit e tij u zhdukën një ditë më parë, dhe provat tregojnë se personi i fundit që i pa ata ishte Elona.

36-vjeçarja bëri që prindërit e të dashurit të saj të flinin në shtëpinë në Felice Fontana në Firence. Elona nuk ka vepruar e vetme, por me bashkëpunimin e të paktën dy personave të cilët më pas do ta ndihmonin atë të copëtojë trupat, pastaj t’i transportonte në katër karroca jashtë shtëpisë për t’i zhdukur.

Sipas medias italiane, bazuar në dëshmitë e komshinjve, Elona është parë me valixhe me erë të keqe.

Në urdhrin e gjyqtarit hetues ka dëshmi të bashkëpronarëve të ndërtesës në Fontana që panë Elonën të mbante, katër ditë pas zhdukjes së bashkëshortëve, karrocë me erë të keqe dhe nga e cila do të derdhej gjak.

Elona gjithashtu kishte detyruar një nga vajzat e çiftit, Victoria, të gënjejë duke thënë se prindërit e saj kishin fjetur me të në Castelfiorentino para se ata të zhdukeshin.

Elona mori shtëpinë me qira duke thënë se do t’i duheshin disa javë për tu ndjekur në spitalin aty pranë për një shtatzëni me rrezik të lartë.

Pronari mendoi se valixhja e gjetur në dhomë, e cila mbante erë të padurueshme, fshihte një fetus të abortuar.

“Ata u ankuan se unë kam hequr qese me mish që rrjedh gjak,” tha Elona.

Pas ankesave nga bashkëpronësitë për erën e keqe, pronari i akomodimit thirri policët.

Urdhëresa raporton gjithashtu disa pasazhe të thirrjeve telefonike të përgjuara midis Elonës dhe disa miqve, të njohur shqiptarë, një ditë pas zbulimit të katër valixheve me mbetjet e bashkëshortëve.

Në ato biseda, gruaja fajëson ish-shokun Taulant për ngjarjet që kanë ndodhur, të cilin ajo e ka denoncuar shumë herë si të dhunshëm, i cili u arratis nga arresti shtëpiak në 2016, gjurmuar në Zvicër ku ai po mbahet.

Sipas Departamentit të Hetimeve Shkencore të Armës, u bënë inspektime në shtëpitë ku jetonte Elona. Akoma po hetohen gjurmët e gjetura në shtëpinë ku mendohet se u vra çifti dhe në shtëpinë që ajo jetonte me Taulant Pashon.