Deti 8 ballë në Durrës, nuk ankorohen dy tragete nga dallgët

Dy tragete nuk kanë mundur të ankorohen paraditen e sotme në portin e Durrësit për shkak të dallgëve të mëdha dhe erës së fortë. Aktualisht, 2 tragetet po qëndrojnë në radë për shkak të detit të trazuar. Tragetet ishin nisur nga Bari dhe transportonin të dy sëbashku 427 pasagjerë. Kapiteneria e portit të Durrësit ka bërë me dije se për shkak të detit të trazuar janë pezulluar përkohësisht lundrimet nga ky port.