Deti në Vlorë tërhiqet 10 metra nga bregu, vështirësi për peshkatarët

Fenomeni i zbaticës është vërejtur mëngjesin e kësaj të mërkure në zonën e Plazhit të Vjetër në Vlorë.

Tërheqja e ujit të detit me mbi 10 metra nga vija e zakonshme e bregut ka bërë që shumë prej varkave të peshkimit të mbeten në cekëtinë.

Ky fenomen natyror i zbaticës ndodh periodikisht dhe lidhet me lëvizjet e ujërave detare, të ndikuara nga faktorë të ndryshëm natyrorë.

Megjithatë, për peshkatarët lokalë, tërheqja e detit krijon vështirësi të përkohshme në daljen për peshkim, pasi duhet të presin derisa uji të rikthehet sërish në nivelin e zakonshëm.