Dhuna ndaj të miturit/Komiteti i Helsinkit: Policia duhet të karakterizohet nga humanizmi

Dhunimi i të miturit nga disa efektivë të policisë së Tiranës ditën e djeshme te Kodrat e Liqenit ka sjellë reagimin e Komitetit Shqiptar të Helsinkit. Komiteti Shqiptar i Helsinkit, shpreh indinjatën e thellë për aktin e paprecedentë të dhunës fizike që ka shkaktuar tek i mituri dhe pasojat psikologjike dhe emocionale.

KSHH shprehet se dhuna nga polici është haptazi në tejkalim të detyrë për ruajtjen e rendit dhe sigurisë publike dhe në shkelje të Konventës Europiane për të Drejtat e Njeriut ku thuhet se ”përdorimi i forcës nuk duhet të jetë më i madh se ‘absolutisht i nevojshëm’ për arritjen e qëllimeve të përcaktuara”.

Më tej thuhet se “Për shkak të pandemisë dhe kufizimeve të vendosur me akt normativ për lirinë e lëvizjes, policia e shtetit duhet të karakterizohet gjerësisht nga parimi i humanizmit. Është e kuptueshme që kjo luftë me pandeminë nuk ka qenë e lehët as për policinë e shteti e cila ndodhet në frontin e parë për përballimin e krizë, por në një kohë që shqiptarët po përballem prej më shumë se 2 muajsh me rregulla strikte, humanizmi në komunikim dhe sjellje duhet të mbizotërojë ndaj qytetarëve”.