Dhuna ndaj të moshuarës, në Tiranë nuk ka as 10 persona në protestë

Dhuna çnjerëzore ndaj Minire Nura, e cila është nëna e dëshmorit të UÇK-së, Taulant Nuraj, në qendrën “Orenda” në Pejë, ka marrë reagime të forta nga mbarë shoqëria shqiptare.

Disa qytetarë të Tiranës janë sensibilizuar, dhe janë mbledhur në Sheshin Skënderbej dhe kanë vendosur fletushka me shprehje motivuese dhe përkrahëse ndaj të moshuarës, duke e cilësuar ngjarjes si shumë të rëndë.

Aktorja dhe aktivistja Kaltrinë Zeneli, ishte ajo e cila bëri publike videon e dhunimit të së moshuarës, ka thënë se është kërcënuar nga një person pasi publikoi këtë video.

“Veç mos të pafsha në rrugë se kam me t’mbyt”, ka qenë njëri ndër mesazhet kërcënuese, për të cilin Zeneli tregoi në një emision në KTV.