Dhunonte nënën e moshuar, arrestohet djali

Dhuna në familje nuk kursen as gruan e moshuar që ka kapërcyer shekullin.

Policia e Bulqizës arrestoi dje në flagrancë, 55-vjeçarin Faik Alla, pasi në banesën e tij, për motive të dobëta ka ushtruar dhunë fizike dhe psikologjike ndaj nënës së tij, H.A, 101 vjeçe.

Tashmë, dosja e tij i kaloi prokurorisë për akuzën “Dhunë në familje”.

Sipas policisë, Faik Alla, kishte kohë që ushtronte dhunë ndaj nënës së tij.

Ky nuk është rasti i vetëm të paktën gjatë muajit të fundit, ku policia është detyruar të shoqërojë familjarë të cilët dhunojnë të afërm të tyre.