Dioqeza Shkodër-Pult, Imzot Massafra: Katastrofa të shërbejë për të bërë më mirë

Arqipeshkvi i dioqezës Shkodër-Pult, Imzot Angelo Massafra, ka dhënë urimin dhe mesazhin e tij me rastin e Krishtlindjes dhe Vitit të Ri. Ky mesazh i këtij viti është ndikuar nga katastrofa natyrore dhe pasojat që la pas tërmeti i një muaji më parë. Imzot Massafra ka dhënë mesazhin se kjo katastrofë duhet të shërbejë si një shkundje për autoritetet shtetërore dhe njëkohësisht edhe për njerëzit që të mos humbasin shpresën dhe të bëhen më të mirë me njeri-tjetrin.