Ditë përvëluese sot, temperaturat arrijnë rekord! Parashikimi i motit

Dita e sotme do të jetë me temperatura rekord që arrijnë deri në 41 gradë celcius!

Këtë të premte mbi vnedin tonë do të vijojë ndikimi i masave ajrore të qëndrueshme dhe të nxehta.

Moti i kthjellët pritet të mbizotërojë në pjesën më të madhe të territorit e vranësira të pakta kalimtare në orët e mesditës përgjatë relieveve malore.
Era parashikohet të jetë nga veriperëndimi me shpejtësi mesatare deri në 7 m/sek, e cila hera-herës në bregdet dhe lugina fiton shpejtësi deri në 10m/sek, duke bërë që valëzimi në dete të ishte i forcës 1-2 ballë.
Temperaturat parashikohen:
në zonat malore 20 deri 39°C
në zonat e ulëta 22 deri 41°C
në zonat bregdetare 23 deri 39°C.

Mjekët këshillojnë të moshuarit dhe fëmijët të mos qëndrojnë në diell në orët e pikut, nga ora 12 e mesditës deri në orën 16.