Do të ndërtojë aeroportin e Vlorës, Pacolli jep detaje nga projekti

Kompania “Mabetex International” në pronësi të biznesmenit shqiptar Behgjet Pacolli, do të jetë kompania që do të ndërtojë Aeroportin e Vlorës.

Përmes një postimi në rrjetet sociale, Pacolli ka dhënë detaje nga projekti. Ai shpjegon se në fazën e parë në periudhën dy-vjeçare do të ndërtohet ndërtesa e Aeroportit dhe pista që kapin vlerën e investimeve mbi 103,500,000 € dhe në fazën e dytë në 4 vitet e para do të zhvillohet infrastruktura suplementare e biznesit dhe turizmit që arrijnë vlerën e investimeve me qindra miliona € .

“Sot është një ditë e rëndësishme për kompaninë që unë themelova gati 30 vjet më parë. Sot është një ditë e rëndësishme për Shqipërinë dhe për mijëra njerëz që do të përfitojnë nga ky investim. Kompania “Mabetex International” ka fituar (për herë të parë në tokat shqiptare) një projekt madhështor në Shqipëri. Është një nder dhe privilegj i madh për mua dhe kompaninë time, që më në fund të ngremë flamurin e Mabetexit në tokën shqiptare. Në fakt, Mabetex International, me investimet e sajë do të ndërtojë Aeroportin e Vlorës. Projekti i Mabetexit u zgjodh si projekti më i mirë nga të gjithë ofertuesit. Unë jam mirënjohës për të gjithë ata që punuan shumë për të fituar këtë projekt dhe gjithashtu falënderoj Qeverinë Shqiptare për veprim të drejtë për të krijuar këtë mundësi.Vlera e investimit është e madhe. Në fazen e parë (në periudhën dy-vjeçare) do të ndertohët ndertesa e Aeroportit dhe pista që kapin vlerën e Investimeve mbi 103,500,000 € dhe në fazën e dytë (në 4 vitet e para) do të zhvillohët infrastruktura suplementare e biznesit dhe turizmit që arrijnë vlerën e investimeve me qindra miljiona €. Ky investim konsiderohët si investimi më i madh i ndonjë kompanie private në rajon në koherat e fundit” shkruan Pacolli.