Do të përfitojnë 1,400 pronarë – 160 Mln dollarë për kompensimet deri në 2022, Venecia për Ligjin në Tiranë

Afërsisht 160 milionë dollarë është shuma totale që do të paguhet nga buxheti i shtetit për kompensimin e pronarëve gjatë tre viteve të ardhshme. Scan ka zbardhur parashikimet buxhetore të Qeverisë të pasqyruara në projekt dokumentin e programit buxhetor afatmesëm për periudhën 2020–2022.

Duke ju referuar parashikimeve buxhetore të Agjencisë së Trajtimit të Pronave mësohet se fondi i kompensimit rritet me rreth 5 milionë dollarë në vitin 2020, nga 48 milionë dollarë në vitin actual. Në dy vitet e tjera është parashikuar rritje me e ulët e fondeve buxhetore për këtë qëllim, përkatësisht nga 54 milionë dollar.

Në program, Qeveria parashikon edhe rritje të numrit pronarëve që do të përfitojnë nga fondi i kompensimit. Sipas dokumentit, aktualisht përfitojnë kompensim afërsisht 800 pronarë, shifër që parashikohet të rritet në 1,400 në vitin 2022.

Parashikimet afatmesme lidhur me procesin e kthim kompensimit të pronave korrespondojnë me një vizitë dy ditore të Komisionit të Venecias në Tiranë si pjesë e hartimit të një opinioni për ligjin e Pasurive të Paluajtshme. Aktualisht disa nene të tij janë dërguar për rishikim në Gjykatën Kushtetuese nga aktorë të ndryshëm.

SCAN