Do të rikthehet në PD? Majlinda Bregu: Synoj maksimumin në çdo detyrë

Sekretarja e Përgjithshme e Këshillit të Bashkëpunimit Rajonal, Majlinda Bregu flet për mundësinë e rikthimit të saj në PD.

Ish-ministrja e Integrimit, tregon se sapo ka nisur mandatin e dytë në Këshillin e Bashkëpunimit Rajonal dhe se do të vlerësojë situatën në momentin e duhur për një rikthim të mundshëm në partinë e saj.

“Jam këtu ku jam, në këtë pozicion, në këtë detyrë dhe besoj që do të vlerësoj situatat në momentin e duhur. Por sapo kam nisur mandatin e dytë dhe në përgjithësi unë mundohem që të jap më të mirën aty ku jam. Nuk dua të mos lë gjurmë kudo dhe çfarë do detyre që të kem. Nuk kam menduar që ta kaloj gjithë jetën në institucionet europiane”.