Dokumenta ku ambasada amerikane bashkëpunon me Soros

Lu tha te Fevziu se nuk ka asnjë dokument se kemi bashkëpunuar me Soros në Tiranë. Ambasadori i SHBA-së në Tiranë, Donald Lu në një deklaratë për Zërin e Amerikës ka deklaruar ditën e sotme se “ne nuk kemi ofruar financime për Fondacionin Shoqëria e Hapur dhe as kemi marrë financime prej saj”.

“Kritikët e reformës në drejtësi, thekson Ambasadori Lu, i kanë etiketuar veprimet e ambasadës si të frymëzuara nga Sorosi”.

Por ndërsa Ambasadori Lu flet që nuk ka ofruar financime, në dokumentet e bëra publike janë të paktën 2 projekte ku Ambasada e SHBA-së e drejtuar nga Donald Lu është bërë palë me Fondacionin ‘Soros’.