Draftet që PS la rrugës, nga antishpifja te “disiplinimi” i presidentit

Në këto 2 vite, mazhoranca shfrytëzoi mbështetjen e opozitës për të kaluar qindra nisma ligjore, por disa prej tyre mbeten në sirtarët e Kuvendit. Amnistia fiskale, antishpifja apo edhe ligji organik për Presidentin e Republikës.

Sërish qeveria nuk ka mundur të çojë deri në fund disa ide të saj që ndezën debatin publik. E tillë ishte nisma e etiketuar si “anti-shpifje” ku mazhoranca kërkoi të rregullonte relatat e saj me median, nëpërmjet ndryshimeve ligjore që preknin edhe funksionimin e AMA-s.

Nisma tjetër që u publikua me bujë nga vetë kryeministri Rama ishte amnistia fiskale. Edhe në këtë çështje, ishin sërish ndërkombëtarët që i treguan ekzekutivit shqiptar se ky hap kishte kaluar caqet dhe cenonte ta kthente Shqipërinë në një lavatriçe parash.

Brenda kornizave ligjore parlamenti kërkoi të fuste edhe veprimtarinë e Presidenti të Republikës. Në parlament u ngrit një grup pune i cili hartoi projektligjin për “Presidentin e Republikës” të cilin e depozitoi, por se futi asnjëherë në procedurë parlamentare.