Durrës/Rama takim me intelektualët, premton ndërtimin e një porti tregtar në Spitallë

Kjo e premte e ka gjetur kreun e Partisë Socialiste në Durrës. Pas drekës me prodhime deti, Rama është takuar këtë pasdite me intelektualë, ku ndër të tjera u ka premtuar ndërtimin e një porti tregtar në zonën e Spitallës.

”Do të filloj shumë shpejt ndërtimi i lagjes së re në Spitall ,për të gjithë ata që u prekën nga tërmeti. Ekoparku, do të jetë një destianacion për familjet durrësake, por edhe familjet përreth Durrësit. Ndërkohë që po ashtu me ndërtimin e portit tregtar në zonën e Spitallës, hap perspektiva për ndërtimin e fabriakeve që do të krijojnë shumë mundësi punësimi. Qëndromn nevoja për të konfirmuar vazhdimin e punës. Njerëzve ju duket sikur mandati i tretë është për mua, apo sikur mandati i tretë lidhet me politikën”,-tha Rama.

Në Durrës ku garon i 8-ti në listën e këtij qarku, Rama më herët u takua dhe drekoi më një grup peshkatarësh të cilëve u tha se falë investimeve në këtë sektor eksportet janë shumëfishuar dhe shkojnë mbi 100 milionë euro në vit.