“Durrësi i rrezikuar edhe pa tërmet”, ish-kreu i INUK: Themelet e ndërtimeve janë mbi ujëra agresiv
Erion Softa, inxhinier ndërtimi dhe ish-drejtues i INUK ishte i ftuar në studion e lajmeve të Fax News ku tha se besimi i njerëzve tek objektet ku banojnë është i dobët dhe kjo sipas tij u konstatua se kur ra tërmeti i 26 Nëntroit të gjithë vrapuan të dilnin nga banesat pasi nuk kanë besim tek qëndrueshmëria e tyre.
Softa tha se Durrësi është i rrezikuar edhe nëse nuk bie tërmet, duke argumentuar se ky është një alarma i ngritur prej kohësh pasi ndërtimet janë mbi një territory të cilin ai e quan “nën kërcënimin e vazhdueshëm të ujërave agresiv”.
“Duhet të rikthehet besimi i njerëzve tek shteti dhe specialistët pasi ne pamë që me tërmetin e fundit të gjithë njerëzit dolën nga banesat e tyre në mes të rrugëve pasi nuk kanë besim tek qëndrueshmëria e banesave. Duhet të rikthehet sa më shpejt besimi tek qytetarët në këtë aspekt. Njerëzit paguajnë taksa por nuk u është kthyer në grupe kontrolli që i orientojnë ata nëse duhet të qëndrojnë në banesa apo jo.
Ne nuk ishim gati për një situatë të tillë, firmat e ndërtimit duhet të rikthehen tek ndërtimet e tyre. Duhet një çertifikim i objekteve që ata njerëz që rikthehen në objektet e banimit të kenë një dokument zyrtar që i garanton. Ndërtimi duhet marrë seriozisht, do të thotë se çdo punëtorë duhet të merret në bazë të kategorive. Me një futje në sigurimet shoqrore futet direkt në punë dhe se çfarë ndodh aty nuk merr askush përgjegjësi.
Edhe sikur të mos binte tërmet, Durrësi rrezikohej, themelet e ndërtimeve janë mbi ujëra agresiv, dhe këtë e kemi thënë vazhdimisht. Të qënurit të strukturës në lagështirë dëmton hekurin dhe pa pasur nevojë për tërmet, bie ndërtesa. Duhet të ketë një platformë të re. Firmat dhe licensat janë dhënë edhe në mënyrë fiktive, nuk është fajtore vetëm firma e ndërtimit. Projektuesit sidomos duhet t’ju rikthehen objekteve, firmat e ndërtimit të shkojnë dhe të mbrojnë objektet që kanë bërë. Edhe grupet e inspektimit duhen mirëkuptuar, duike marrë parasysh edhe atë çfarë u duhet të shikojnë në momente të tilla, por edhe kushteve të punës”, tha Softa.
Inxhinieri foli edhe për rindërtimin e banesave dhe pallateve të dëmtuara dhe shembura, duke thënë se ndërtimi i një qyteti të ri ka një kosto të papërballueshme për Shqipërineë, ndërsa vendosi theksin tek rëndësia e ruajtes së ndërtimeve egzistuese.
“Me këto dëme që kemi nuk këmi ne mundësi të ndërtojmë një qytet tjetër. Sot shikojmë se nuk ka as strukturën minimale për të ndërtuar një objekt. Është ndërtuar mbi mozaik dhe vepra arti. Ne duhet të mbrojmë godinat që kemi, duhen blerë pajisjet e nevojshme që studiojnë situata të tilla. Rindërtimi ka një kosto të lartë dhe që të ndërtosh një qytet të ri është e papërballueshme”, tha Softa.
