Dy aksidente, bllokohet autostrada Tiranë-Durrës

Dy aksidente të ndodhura thuajse në të njëjtën kohë në autostradën Tiranë-Durrës, kanë shkaktuar kaos në qarkullim, duke bllokuar trafikun në aksin më të populluar në këtë periudhë pushimesh.

Aksidenti i parë ka ndodhur në afërsi të Sukthit, ku janë përfshirë dy mjete të vogla dhe një autobus. Fatmirësisht, përveç bllokimit të rrugës, nga aksidenti nuk raportohet asnjë person i lënduar.

Ndërkohë, aksidenti tjetër ka ndodhur në Shën Vlash, ku një 56-vjeçar, që po udhëtonte me një motoçikletë, ka humbur kontrollin e mjetit dhe ka dalë jashtë rruge.

Si pasojë e përplasjes, 56-vjeçari ka mbetur i plagosur. Ai është shoqëruar menjëherë në drejtim të spitalit për të marrë ndihmën mjekësore.