Dy pacientë të shëruar, Rama: Mirënjohje për mjekët heronj

Viktor Kola, është bërë pacienti i parë në Shqipëri i cili ka mundur koronavirusin. Test i dytë për Covid-19 ka rezultuar negative kështu që ai mund të konsiderohet përfundimisht i shëruar nga virusi vdekjeprurës. Po kështu një tjetër pacient i infektuar është shëruar nga koroanvirusi duke e çuar numrin e të shëruarve në dy. Kryeministri Edi Rama, ka shprehur mirënjohjen e tij për mjekët duke i quajtur heronj. “Testi i dytë konfirmon negativ kontaktin e parë të pacientit zero. Del negativ edhe një pacient tjetër. Mirënjohje me përunjësi mjekëve të spitalit infektiv. Heronj”. Viktori është babai i 28-vjeçarit i cili dyshohet se është pacienti zero në Shqipëri.