Dy shqiptarë arratisen nga burgu italian

Dy shqiptarë janë arratisur nga burgu i sigurisë së lartë, Carinola , në orët e para të mëngjesit të sotëm.

Mësohet se shqiptarët e arratisur janë Ervis Markja, 26 vjeç dhe Adriatik Gega, 28 vjeç. Deri më tani ende nuk dihen detaje se si shqiptarët kanë mundur të shmangin sigurinë e burgut dhe të largohen.

<

►

>

  

Ervis Markja është arrestuar në janar 2016 së bashku me dy persona të tjerë, të cilët kishin sulmuar forcat e policisë. Ai u arrestua në Carinola për marrjen e mallrave të vjedhura dhe rezistimin ndaj një zyrtari publik.

Adriatik Gega u arrestua në vitin 2012 në krahinën e Beneventos. Ai akuzohej se ishte pjesë e një bande të specializuar për grabitje në banesa, së bashku me të u arrestuan dhe tre persona të tjerë.

Ai u dënua në burgun e Caserta për marrjen e mallrave të vjedhura, rezistencës ndaj zyrtarëve publikë dhe plagosje.