Dyndje udhëtarësh në pikat kufitare Kosovë-Shqipëri

Në pikat kufitare mes Kosovës e Shqipërisë në paraditën e sotme kalimet janë të shpejta në fluks të lartë. Në vendkalimin Vërmicë-Morinë, ku kalohet nëpër autostradë, në hyrje pritjet janë 5-10 minuta në kolonë 80-100 metra, në dalje kolona është zero metra e kalohet për 2-5 minuta.
Në dy vendkalimet tjera, Qafë e Prushit dhe Qafë e Morinës, pritjet dhe kolonat janë të shumtën zero. Në të parën pritjet në hyrje janë 2 minuta e në të dytën 2-5 në kolonë 50 metra.
Ministria e Punëve të Brendshme e Kosovës, në bashkëpunim me Qendrën Kombëtare për Menaxhim Kufitar, këtë javë nisi të jape informata në intervale të rregullta lidhur me fluksin dhe kohën e pritjes në hyrje dhe dalje për të gjitha pikat e kalimit kufitar.
Në këtë mënyrë, çdo qytetar i interesuar do të jetë i informuar për çdo pikëkalim kufitar para nisjes së udhëtimit në ueb faqen zyrtare të Ministrisë së Punëve të Brendshme të Kosovës, në linkun: mpb-ks.org/qkmk.
Në pikat kufitare Kosovë-Shqipëri, në korrik 2015 ka pasur më shumë se një milion (1023970) hyrje dalje të personave, afër gjysëm milioni (481933) apo afër dyfish më shumë se në korrikun 2014, kur kishe 542037 hyrje dalje. Në qershor 2015 ka pasur gjithësej 500 288 hyrje dalje të personave, sipas të dhënave të njoftuar ekskluzivisht për ATSH nga Policia e Kosovës.