Dyshohet si porositës i vrasjes së vajzës/Prokurori: Do dëmtonte procesin e mbledhjes së provave

Faik Buci, dyshohet si urdhëruesi i vrasjes së vajzës së tij Eglantina Buci, ku gjykata mësohet se ka refuzuar kërkesën për ndryshim mase. Për prokurorinë kjo do të dëmtonte procesin e mbledhjes së provave. ”Hetimet për këtë krim janë ende të hapura, lirimi i Faik Bucit do dëmtonte procesin e mbledhjes se provave e do rrezikonte dëshmitarët”, tha Prokurori.

Eshtrat e Eglantinës u gjetën nga një gjuetar në datën 13 shtator 2012, por sipas ekspertëve vrasja kishte ndodhur gati 6 muaj më parë. Policia është kthyer në vendin krimit më 21 shtator 2012 ku janë gjetur një pjesë e eshtrave të Eglantinës. Një pjesë e rrobave të Eglantinës ishte e djegur. Hetimet vijuan për më se 6 muaj, për t’u mbyllur më pas në 25 janar 2013.

Dëshmia e dëshmitarit kyç me inicialet M.T, i cili ka treguar se Shkëlzen Buci,vëllai i saj, që ishte në burg për një tjetër çështje, kishte vrarë motrën e tij. Kjo dëshmi bëri që të rihapeshin hetimet në 2018, për të çuar më pas në zbardhjen e plotë të ngjarjes. Dyshohet se porositës i vrasjes së babai i saj, Faik Buci.