E diela buzë detit, banorët e Durrësit përpiqen t’i rikthehen normalitetit pas tërmetit
Kur kanë kaluar 13 ditë nga tërmeti me pasojë humbjen e 51 jetëve, kryesisht në Durrës e Thumanë, të gjithë pak e pak po e largojmë panikun që përjetuam. Por sytë ende i kemi nga Durrësi, a do vijojë normalitetin qyteti bregdetar?
Edhe aty, dëshira për t’iu rikthyer ritmit normal të jetës, po e mposht dalëngadalë frikën nga tërmeti dhe banorët e Durrësit po i kthehen ritualeve të zakonshme. Një shëtitje a kafe në bregdet këtë fundjavë për të argëtuar fëmijët e harruar pasigurinë për jetën e pronën.
Plot diell ndonëse e shoqëruar herë pas here me reshje të lehta shiu, e diela i ka kthyer njerëzit buzë detit. Nesër nis një javë e re pune dhe rikthimi në bankat e shkollës, plot shpresë e besim se Durrësi do të rimëkëmbet së shpejti.
![E diela buzë detit/ Durrës, banorët po përpiqen ti rikthehen normalitetit pas tërmetit](https://i.ytimg.com/vi/Zvi7Mk866do/maxresdefault.jpg)