“E gjithë Shqipëria është me ne!” buçasin thirrjet, studentët rrethojnë Kuvendin

Një turmë e madhe studentësh kanë zhvendosur protestën e tyre para Kuvendit të Shqipërisë ku pritet të mbahet seanca plenare.

Ata kanë nisur protestën me libra në duar, këngë në kor dhe fërshëllima bilbilash për plotësimin e 9 kërkesave.

Një forcë e madhe policore është parë e pranishme në ambientet e jashtme të Kuvendit, që është rrethuar nga studentët.

Disa nga thirrjet e studentëve janë:

Gjithë Shqipëria është me ne, ulini tarifat, nuk e ndalni dot protestën e studentëve”.

Opozita pritet e jetë e pranishme ditën e sotme në parlament, pas disa seancave radhë të bojkotuara.