E mori Covid-19 në QSUT, humb jetën i infektuari i parë nga Gjirokastra, po transferohej për në shtëpi

I prekuri i parë me COVID-19 nga Gjirokastra, ka humbur jetën gjatë transportit për në shtëpi.

Gazetari Orges Sako tha për “ABC News” se 68-vjeçari ishte i shtruar në QSUT që prej 20 majit, për shkak se vuante nga hepatiti. Sakaq viktima është infektuar me koronavirus.

Ndërkohë viktima në muajin qershor u konstatua me COVID-19, dhe më pas u transferua në spitalin Infektiv.

Gjatë ditës së sotme 68-vjeçari ka lënë spitalin Infektiv në gjendje të mirë shëndetësore, por rrugës për në Gjirokastër, në afërsi të Lushnjes, ka humbur jetën.