E Premtja e Zezë e Pashkës edhe në Berat, besimtarët bashkojnë dy epitafet në hyrje të pedonales

Në prag të Pashkës Ortodokse e Premtja e Zezë është dita që simbolizon vdekjen e Jezu Krishtit në kryq. Riti i kalimit nën epitaf u krye në dy kisha njëra në katedralen e “Shën Dhimitrit “dhe tjetra në kishën e “Shën Spiridhonit” në Berat.

Pas bashkimit të dy epitafeve u marshua në pedonalen e qytetit më pas u vijua secili grup në kisha të veçanta. Në kishën e “Shën Spiridhonit” u drejtua nga at Kristaqi dhe pjesa tjetër drejt Katedrales” Shën Dhimitrit” nga At Johan dhe at Petraqi. Me qirinj të ndezur në duar besimtarët shkojnë drejt shtëpive duke shpërndarë flakët si simbolin e dritës.

Në këtë ritual përveç besimtarëve ortodoks u bashkuan edhe qytetarë beratas por dhe turistë të cilët ndoqën me kureshtje këtë rit. Berati shquhet si një nga qytetet e harmonisë fetare ku shpesh festat fetare festohen nga gjithë qytetarët pavarësisht përkatësis fetare.